... an bhfuil réadán, múscáin numhiúla, críonlobhadh, téada meirgeacha, pionnaí tiúnta scaoilte agus mar sin de ann?
B’fhéidir go bhfuil pianó agat sa bhaile agus go dteastaíonn uait do roghanna a mheas. B’fhéidir go bhfuil pianó i do sheilbh anois nach raibh baint agat féin lena fháil. Nó, b’fhéidir go bhfuil suim agat i gceannach pianó, ach ba mhaith leat tuairim eile a lorg.
B’fhéidir go bhfuil suim níos sainiúla agat. Má tá sé ar intinn agat pianó a cheannach nó a dhíol ar líne nó i gcló, is féidir linn an pianó a scrúdú agus miontuairisc luachmhar a thabhairt duit ar staid an phianó agus a pháirteanna meicniúla. Cuirimid an tseirbhís seo ar fáil do dhaoine aonair agus tithe ceantála araon. Is úsáideach an tseirbhís é go háirithe má bhíonn turas fada romhat chun an pianó a cheannach nó a dhíol.
Agus úsáid á baint as an ardteicneolaíocht atá ar fáil go forleathan anois, is féidir linn pianónna i gceantair iargúlta tuaithe a mheas agus a scrúdú tríd an idirlíon agus meastóireacht trí cheamara gréasáin a thabhairt duit a chuideoidh leat na ceisteanna coitianta a fhreagairt. Ciallaíonn sé seo go mbeidh tú ábalta d’fhadhb a thaispeáint dúinn, nó go mbeimid ábalta oibrithe inmheánacha an phianó i gceist a thaispeáint duit. Ciallaíonn sé freisin go seachnóidh tú turais agus costais nach bhfuil gá leo agus an díomá mhór a bheadh ann dá n-aistreofaí pianó a mbeadh fadhbanna ag baint leis isteach i do theach. Is féidir linn grianghraif a thógáil faoi chianrialú agus iad a chur chugat i bhformáid lena mbeidh tú sásta - is iomaí féidearthacht atá ann. Chun tuilleadh sonraí faoin tairiscint nua sin a fháil seol ríomhphost nó
glaoigh ar +353 65 6848076.
Is féidir linn seirbhís bhailíochtaithe barántaí a chur ar fáil do dhéileálaithe pianó le haghaidh na bpianónna a dhíolann siad dá gcustaiméirí. Baineann ár gcliaint úsáid freisin as ár seirbhís luachála agus meastóireachta chun doiciméid árachais a chomhlánú nó chun pleananna athshlánaithe ó thubaiste a chur i bhfeidhm.
Is cuma céard atá de dhíth ort, déan teagmháil linn - is féidir linn cabhrú leat. Is seirbhís ionraic dhíreach an tseirbhís luachála agus meastóireachta a chuirimid ar fáil. Déan teagmháil linn agus déanfaimid iniúchadh ar an bpianó i gceist. Is féidir linn luacháil nó meastóireacht ó bhéal nó i scríbhinn a thabhairt duit, de réir do riachtanas féin. Le do thoil déan teagmháil linn chun tuilleadh eolais a fháil faoin tseirbhís luachmhar seo.